မျှဝေရန်အင်ဂျင်နီယာ မနွဲ့ရည်ဘဝမှ ငါးပွဲစား မနွဲ့ရည်ဘဝရောက်ခဲ့ရသော ပညာတတ်အမျိုးသမီးတစ်ဦး၏ ဘဝအလှည့်အပြောင်း ကို ဖွဲ့ထားသည်။ ဖခင်က ကျောင်းဆရာ၊ ခံယူချက်ကြီးသူ၊ ကျောင်းဆရာဘဝမှထွက်ပြီး ကားမောင်းသမားဘဝတွင် ခံယူ သူဖြစ်သည်။ ရှောက်သီးဖြစ်လျှင် ချဉ်ရမည်၊ ကြက်ဟင်းခါးသီးဖြစ်လျှင် ခါးရမည်၊ ငရုတ်သီးဖြစ်လျှင် စပ်ရမည်ဟူသော ဖခင်မှသင်ကြားခဲ့သော်လည်း အင်ဂျင်နီယာဖြစ်ပြီး ငါးပွဲစားဘဝကိုခံယူခဲ့သူ မနွဲ့ရည်နှင့် အင်ဂျင်နီယာဖြစ်ပြီး သင်္ဘောသား ဘဝကို ကူးပြောင်းခဲ့သော ကိုခင်ထွန်းတို့၏ မစပ်သောငရုတ်သီးများအကြောင်းကို လှလှပပရေးဖွဲ့ထားသော ဇာတ်လမ်း တစ်ပုဒ်ဖြစ်ပါသည်။ စာဖတ်သူရော ငရုတ်သီးဖြစ်ပြီး စပ်ခွင့်ရသော ဘဝပိုင်ရှင်လား၊ မစပ်လိုက်ရသော ငရုတ်တစ်တောင့် လား … စာဖတ်ရင်း ခံစားတွေးတော ကြည့်ပါလေ…။
